Inyebkas ti Embahada ti Israel iti Filipinas ti pannakipagriknada iti pamilia ti Filipina a caregiver a nairaman a natay kalpasan a napuntaan ti missile ti apartment a yanda iti Tel Aviv, Israel.

Ni Mary Ann Velasquez de Vera, 32, tubo ti Basista, Pangasinan, ti umuna a Filipina a natay gapu iti gubat iti Middle East.

Segun iti Embahada ti Israel iti Filipinas, napuntaan ni De Vera iti missile nga impabanto ti Iran bayat a tultulonganna latta ti ay-aywananna a pasiente a mapan iti bomb shelter uray nadangranen daytoy.

Kinuna ti Embahada ti Israel a, kas kadagiti kaaduan nga overseas Filipino workers iti Israel, impakita ni De Vera ti kinaandur, kinadungngo, ken natalna a pigsa.

Kinuna ti Embahada ti Israel a makipagrikanada iti panagladingit ti pamiliana ken kadagiti komunidad ti Filipino, a bigbigenda ti lagip ni Mary Ann a buyogen ti panagraem ken kinadayaw.

Nasional

Saan a salip iti social media ti proseso ti impeachment --Rep. Luistro

Impeksa met ni Embahador ti Filipinas iti Tel Aviv Aileen Mendiola ti pannakipagladingitda iti asawa ni De Vera babaen ti telepono.

Impanamnama ni Mendiola a maipaay ti sibubukel a tulong ti gobierno. (Joseph Pedrajas/Manila Bulletin//Lito Hilidon/Bannawag)