Kinompirmar ni Presidente Marcos Jr. idi Pebrero 1, ti pannakatay ti maysa a Filipina iti Israel bayat ti gubatk iti Middle East, nga isu ti umuna a Filipino a nairaman a natay sipud idi kimmaro ti risiris sadiay.
Iti maysa a video message a naipaskil iti social media account ni Marcos, inwaragawagna ti ipapatay ni Mary Anne Velasquez de Vera, maysa a caregiver a taga-Pangasinan, a nairaman a natay bayat ti panagpabanto ti Iran iti missiles iti Israel.
Segun ken ni Marcos, tultulongan ni De Vera ti nataengan nga ay-aywananna a mapan iti bomb shelter idi agtinnag dagiti missile iti yanda ket saandan a nakadanon iti shelter ta napuntaan ida ti shrapnel ti bimtak a bomba.
Ti asawa ni De Vera a maysa met laeng nga overseas Filipino worker iti Israel ti nangbigbig kenkuana.
Impasigurado ni Marcos nga ipaay ti gobierno ti amin a kasapulan a tulong iti pamilia ni De Vera.
Saan a salip iti social media ti proseso ti impeachment --Rep. Luistro
Innayon ni Marcos nga agtultuloy a monitorenda ti kasasaad dagiti Filipino iti rehion bayat ti mapaspasamak a gubat, ken impasiguradona iti publiko nga iwaragawagda dagiti kaudian a damag apaman a maawatda ti baro nga impormasion. (Argyll Cyrus Geducos/Manila Bulletin//Lito Hilidon//Bannawag)
