Impasimudaag ni Presidente Marcos Jr. ti umun-uneg ng estratehiko a panagkadua ti Filipinas ken South Korea bayat ti panangsangailina iti state banquet kas pammadayaw kada South Korean President Lee Jae-Myung ken First Lady Kim Hea-kyun iti Malakanyang idi Marso 3.
Iti panagsaona iti Ceremonial Hall, kinuna ni Marcos a ti pinullo a tawen a nasinged ken nabunga a relasion ti Manila ken Seoul ket nagbalinen nga strategic partnership idi 2024 ken saklawenna itan ti adu a benneg a paginteresan ti dua a pagilian.
Segun ken ni Marcos, nagsaritaanda ti depensa ken seguridad, maritime cooperation, panangparang-ay iti ekonomia, ken panagbinninglay dagiti tao.
Nagyaman ni Marcos iti panangsuportar ti South Korea iti pannakamoderno ti Armed Forces of the Philippines (AFP) ken pannakapabileg ti Philippine Coast Guard (PCG), agraman ti tulong ti South Korea iti panangbiag iti industria ti panagaramid iti barko.
Dinakamat ni Marcos dagiti proyekto para iti impraestruktura a supsuportaran ti South Korea kas iti Panguil Bridge iti Northern Mindanao.
Panagwaras ti fake news iti pannakabista ti kaso nga impeachment ni Duterte, impakdaar ni Rep. Adiong
Binigbig ni Marcos ti panangsalaknib ti gobierno ti South Korea iti kalintegan ken pagimbagan dagiti nasurok a 70,000 a Filipino nga aggigian ken agtrabtrabaho sadiay.
Sakbay daytoy, sinaksian dagiti dua a daulo ti pannakapirma ti tulag a mainaig iti pananggatang iti ramit a para depensa, agrikultura, negosio ken panagpuonan, intellectual property, digital cooperation, panagsanay iti lengguahe ti Korea kadagiti pagadalan iti Filipinas, panagbinninglay iti kultura, ken panagtinnulong ti polis. (Argyll Cyrus Geducos/Manila Bulletin//Lito Hilidon/Bannawag)
