Indarum ni dati a senador Antonio Trillanes IV dagiti 18 a dati a kameng ti Marines ken lima pay a tattao gapu iti alegasionda nga immawat isuna iti $2 a milion a pasuksok para kadagiti imbestigador ti International Criminal Court (ICC) a nangimbestigar iti extrajudicial killings (EJK) iti anti-illegal drug war ni dati a presidente Rodrigo Duterte.
Naipila ti kaso a perjury, incriminating an innocent person, ken cyberlibel kontra kadagiti respondent gapu iti press conference nga insayangkat dagiti 18 a dati a marines idi Pebrero 24 a kinadua ni abogado Levito Baligod.
Mairaman kadagiti insaklang ni Trillanes iti Department of Justice (DOJ) ita nga aldaw, Marso 5, da Belnard E. Tube, Rosebert M. Waupan, Benny S. Bulonte, Johnny A. Buduan, Rodante P. Orbillo, Reyneboy O. Julian, Christopher T. Esquivel, George O. Villalon Jr., Romeo Rommel O. Bobares, Gil N. Navidad Jr., Anselmo Taberdo, Joely G. Cadioa, Rommel C. Galapon, Ceceilio S. Larroder Jr., Bernard A. Gumban, Crusanie L. Dado, Fidel M. Corpus, ken Walter M. Manalansan.
Kaso a cyberlibel ken incriminating an innocent person ti naipila kontra kada Baligod, dati a kongresman Michael Defensor, dati a panakangiwat ti National Task Force to End Local Communist Armed Conflict (NTF-ELCAC) Lorraine Marie T. Badoy, Jay Sonza, ken ni vlogger a Cathay Binag.
Segun ken ni Trillanes, sumagmamano kadagiti 18 nga ex-marines ti mangipudnonto no asino ti akin-aramid kadagitoy nga alegasion, ti panggepda, ken no ania ti kasukat ti panagsaoda iti press conference.
Panagwaras ti fake news iti pannakabista ti kaso nga impeachment ni Duterte, impakdaar ni Rep. Adiong
Patien ni Trillanes a ti kampo ni Duterte ti akin-aramid iti press conference idi Pebrero 24 a nangiwaragawag iti alegasion a nagiwaras ni Presidente Marcos Jr. iti binilion a kuarta kadagiti nadumaduma nga opisial ti gobierno. (Jeffrey Damicog/Manila Bulletin//Lito Hilidon/Bannawag)
