Iparit ti gobierno ti Indonesia ti panagusar iti social media dagiti ubbing nga awan pay 16 ti tawenda, segun ken ni Communication and Digital Affairs Minister Meutya Hafid idi Marso 6.
Kinuna ni Fahid a pinirmaannan ti paglintegan nga impaulog ti gobierno a mangiparit iti panagusar dagiti ubbing nga awan pay 16 ti tawenda kadagiti platform a maibilang a "high risk" kas iti YouTube, TikTok, Facebook, Instagram, Threads, X, Bigo Live, ken Roblox.
Mangrugi a maipatungpal daytoy a linteg inton Marso 28 agingga a makatungpalen dagiti platform iti obligasionda.
Segun ken ni Fahid, daytoy ti kasayaatan a tignay ti gobierno tapno matulonganda dagiti ubbing ken dagiti nagannak a mangsaranget iti pangta ti pornography, cyberbullying, online fraud, ken pannakailuod.
Kinuna ni Hafid a maawatanda nga adda bassit panagsikor dagiti dadduma iti pannakaipatungpal daytoy a linteg.
Kangatuan a daulo ti Iran, natay iti panangraut ti Estados Unidos, Israel
Itay kallabes, insayangkat ti Ministry of Communication and Digital Affairs ti Indonesia ti kellaat a panaginspeksion iti opisina ti Meta iti Jakarta gapu iti reklamo mainaig iti panangtamingda iti makadadael a linaon ti platform-da a pakaramanan ti Facebook, Instagram, ken WhatsApp.
Binallaagan ni Hifa ti Meta iti saanda a panagtungpal iti paglintegan ti pagilian.
Ti Indonesia ti umuna a pagilian iti Southeast Asia a nangiparit iti panagusar dagiti ubbing iti social media. (The Associated Press/Manila Bulletin//Lito Hilidon/Bannawag)
