Immanamong idi Marso 11 ti grupoy a mangibagi kadagiti nababaknang a pagilian iti lubong a mabalin nga iruarda ti kaaduan nga emergency oil reserve iti pakasaritaanda, tapno matungday dagiti epekto ti gubat iti Iran iti merkado ti enerhia ken ti pannakaisardeng dagiti bapor nga agbibiahe iti Strait of Hormuz.
Segun iti International Energy Agency (IEA), mabalinda nga iruar ti 400 a milion a bariles ti lana manipud kadagiti emergency reserve dagiti kameng a pagilian, a nasurok a mamindua iti 182.7 a milion a bariles nga inruar dagiti 32 a pagilian a kameng ti IEA idi 2022, kas panagrespondeda iti panangsakup ti Russia iti Ukraine.
Ngem inlawlawag ni Fatih Birol, executive director ti IEA nga idadauluan ti Paris, a kapatgan latta iti pannakaisubli iti natalged a suplay ti lama ken gas ket ti pannakailukat manen ti Strait of Hormuz.
Inwaragawag daytoy ti IEA kalpasan a nagtataripnong dagiti energy minister ti Group of Seven - a buklen dagiti pagilian a Canada, ti Estados Unidos, France, Italy, Japan, Germany, ken Britain -- tapno agsapulda kadagiti pamuspusan a maipababa ti presio ti lana. (The Associated Press/Manila Bulletin//Lito Hilidon/Bannawag)
