Imbilin ni Presidente Marcos Jr. ti pannakasuspenso ti mapasungad a pannakaingato ti plete, ket kunana a saan pay a daytoy ti panawen nga ipangato ti plete.
Iti maysa a bideo a naipablaak idi Marso 18, kinuna ni Marcos a binilinnan ti Department of Transportation (DOTr) a saanda pay nga ituloy ti panagngato ti plete.
Inlawlawag ni Marcos a saan pay a daytoy ti panawen a maingato ti plete ta adda parikut ti pagilian maipuon iti gubat iti Middle East, ket masapul a suportaran dagiti inaldaw nga agbibiahe kas kadagiti mangmangged, estudiante, ken amin a mangus-usar iti transportasion.
Impasigurado ni Marcos kadagiti agtrabtrabaho iti sektor ti transportasion a nayonan ken pardasan ti gobierno ti ipaayda a suporta iti sektor ti transportasion.
Binilin pay ni Marcos ti DOTr a rugiandan nga insayangkat ti libre a pagluganan iti entero a Filipinas ken ipatungpalda ti diskuento iti bayad iti MRT ken LRT, kasta met iti toll way.
EASPM, rangtay iti panagdur-as ti Santa, Ilocos Sur
Itay kallabes, inaproabaran ti Land Transportation Franchising and Regulatory Board (LTFRB) ti petision iti pannakaingato ti plete iti dandani amin a kita ti public utility vehicle (PUV) gapu iti nagsasaruno nga ingingina ti presio ti lana. (Betheena Unite/Manila Bulletin//Lito Hilidon/Bannawag)
