Kinompirmar ti House Committee on Justice a saan a dumar-ay ni Bise Presidente Sara Duterte ken dagiti abogadona iti umuna nga aldaw ti impeachment hearing ita nga aldaw, Marso 25.
Segun ken ni daulo ti komite Batangas 2nd district Rep. Gerville Luistro, naawatda ti impormasion manipud kadagiti abogado ni Duterte a saanda a dumar-ay iti hearing a maangay iti People’s Center iti Kamara.
Kinuna ni Luistro a kueskuestionaren dagiti abogado ni Duterte ti konstitusionalidad ti proseso ti impeachment, ngem masapul a tungpalen ti Committee on Justice ti annongenda a maitunos iti Konstitusion.
Nupay kasta, kinuna ni Luistro nga ituloyda latta ti hearing iti laksid ti kaawan ni Duterte tapno tingitingenda no adda umdas a pagbatayan ti pannakaipasa dagiti impeachment complaint kontra ken ni Duterte.
Innayon ni Luistro a naikkan ni Duterte iti umdas a gundaway a mangsungbat kadagiti alegasion kontra kenkuana.
Hurisdiksion ti ICC iti kaso n Duterte, pinatalgedan ti Appeals Chamber
Iti daytoy a paset ti proseso ti impeachment, denggen ti komite dagiti testimonia ken kitaenda dagiti maiparang nga ebidensia tapno matingitingda no adda probable cause ti kaso nga impeachment, sakbay a mayallatiw daytoy iti Senado. (Joseph Pedrajas/Manila Bulletin//Lito Hilidon/Bannawag)
