CABATUAN, Isabela—Pinasiar ni Presidente Ferdinand R. Marcos Jr. ti baro a nabangon a super health center bayat ti ibibisitana iti daytoy nga ili idi Huebes, Marso 26.
Kadua ti Presidente da House Speaker Faustino “Bojie” Dy III, Gov. Rodolfo T. Albano III, ken Bise Gov. Francis Faustino “Kiko” Dy.
Ti super health center ket mangipapaay kadagiti kangrunaan a serbisio ti healthcare kas iti konsultasion, laboratory testing, ken minor surgical procedures.
Kabayatanna, nangted ti Philippine Charity Sweepstakes Office (PCSO), iti pannakitinnulong ti gobierno probinsial ti Isabela, iti dua a Patient Transport Vehicles tapno makatulong a mangpadaras iti pannakayakar dagiti pasiente a masapul a mayakar.
Nagyaman ni Cabatuan Mayor Charlton Uy ken ni Presidente Marcos ken kinunana a dakkel a pagimbagan dagiti constituent-na dagiti Patient Transport Vehicles.
Maika-295 nga anibersario ti pannakayanak ni Maria Josefa Gabriela Cariño Silang nailagip
Impanawagan ni Uy ti agnanayon a panagkaykaysa dagiti umili ken impanamnamana ti agtultuloy a pannakaipatungpal dagiti programa ken pannakaited ti umno a serbisio kakuada.
(Freddie Lazaro/Manila Bulletin)
