Maipatungpal ti dakkel a panagbaba ti presio ti lana inton Martes, Abril 14, a manamnama a mangep-ep iti parikut dagiti konsiumer iti baet ti saan a natalged a presio ti lana iti sangalubongan a merkado.
Daytoy ti impakaammo ni Presidente Marcos Jr. babaen ti maysa a bideo idi Marso 12.
Segun ken ni Marcos, ti presio ti krudo (diesel) ti kadakkelan ti maksay, a nasurok a ₱20 kada litro, idinto a ₱4.43 kada litro ti bumabaan ti presio ti gasolina, ken ₱8.50 kada litro met iti kerosene.
Kuna ni Marcos a dakkel a tulong daytoy kadagiti drayber, biahero, ken pamilia a Filipino.
Nupay kasta, impaganetget ni Marcos a saan pay nga umdas daytoy, idinto nga agtultuloy ti panangisaynagkat ti gobierno kadagiti pamuspusan tapno matulongan ti publiko.
Pannakakemmeg ni Sen. Dela Rosa, imbilin ti DOJ; PNP, pinagtignay ni DILG Sec. Remulla
Innayon ni Marcos a saan a sumardeng ti gobierno a mangipaay iti nayon a pamuspusan tapno makissayan ti gastuen ti publiko iti transportasion, taraon, ken inaldaw a kasapulanda. (Argyll Cyrus Geducos/Manila Bulletin//Lito Hilidon/Bannawag)
