Indauluan ni Florencio M. Bayuga ti Sta. Maria, Pangasinan dagiti nangabak iti Maika-2 a Salip iti Sarita ti Norberto D. Bumanglag Jr. Literary Awards (2026).
Inyalat ni Bayuga, maysa a panglakayen ti Saksi ni Jehovah, ti Umuna a Gunggona babaen ti saritana a "Ti Bagyo ken ni Don Adolpo."
Ni Roberto B. Palope ti La Paz, Abra, lay minister iti Iglesia Filipina Independiente, ti nakagun-od iti Maika-2 a Gunggona babaen ti saritana nga "Adda Dara Ti Sairo Iti Balay."
Ni met Archie C. Anipot ti Siudad ti Vigan, agdama a Deputy Chief of Police ti San Vicente, Ilocos Sur, ti nakasukdal iti Maika-3 a Gunggona babaen ti saritana a "Family Reunion."
Mapadayawanto dagiti nangabak iti GUMIL Filipinas Dap-ayan 2026 inton Abril 18-19, 2026 iti MMDA Main Office, Siudad ti Pasig.
Mannurat ti Bannawag, mabalangatan a Talaang Ginto: Makata ng Taon 2026
Nagpaay a hurado da Daniel L. Nesperos (pangulo), Roy V. Aragon, ken Juan Al. Asuncion.
Is-isponsoran ni 2020 Pedro Bucaneg Awardee Norberto D. Bumanglag Jr. ti San Nicolas, Ilocos Norte ken nobelista ti Bannawag daytoy a pasalip a nairanta a para kada agdadamo a mannurat. Ti met Bannawag ken GUMIL Ilocos Norte (ibagian ni Daniel L. Nesperos) ti mangimaton iti pasalip. (LPH)
