Naglulubbon iti umuna tallo a puesto da Baste Duterte, Leni Robredo, ken Robin Padilla iti Senate preference survey nga insayangkat ti Arkipelago Analytics, nga agpapada a nakagun-od iti 48 a porsiento.
Sumaruno da Vico Sotto ken Loren Legarda, a nakagun-od iti 45 a porsiento, nga adda iti maikapat wenno maikalima a puesto. Da Raffy Tulfo ken Alan Peter Cayetano ti adda iti maikanem ken maikapito a puesto, a nakagun-od iti 42 a porsiento.
Da Pulong Duterte, Francis Escudero, ken Mark Villar ti mangbukel iti top ten, a nakagun-od iti 39 a porsiento. Da Jose Sixto Gonzales III “Dingdong” Dantes ken Grace Poe ti mangpunno iti top 12, a nakagun-od iti 35 a porsiento.
Ipakita ti resulta ti surbey a mabalin a mangabak da Jinggoy Estrada, Ben "Bitag" Tulfo, Nancy Binay, Joy Belmonte, ken Jose Marie Borja Viceral nga am-ammo iti nagan a "Vice Ganda," a nakagun-od iti 33 a porsiento, nga adda iti maika-13 agingga iti maika-17. Adda iti maika-18 agingga iti maika-20 a puesto da Jimmy Bondoc, Juan Edgardo “Sonny” Angara, ken Manny Pacquiao, a nakagun-od iti 30 a porsiento.
Nakaala met iti umdas a suporta dagiti botante dagiti dadduma pay a personalidad a kas kada Rex Gatchalian ken JV Ejercito a nakaala iti 28 a porsiento, idinto a nakagun-od iti 27 a porsiento da Rowena Guanzon, Mike Defensor, ken Bong Revilla. Simmaruno da Vince Dizon ken Ralph Recto a nakagun-od iti 24 a porsiento, ken da Benhur Abalos, Franklin Drilon, ken Mar Roxas a nakagun-od iti 21 a porsiento.
Marcoleta, naisublin iti pagbaludan
Adda iti maika-31 agingga iti maika-33 a puesto da Gringo Honasan, Francis Tolentino, ken Heidi Mendoza a nakagun-od iti 21 a porsiento; idinto a 14 a porsiento ti nagun-od da Philip Salvador, Willie Revillame, ken Bonifacio Bosita.
Iti sabali a bangir, walo a porsiento ti naala da Chel Diokno ken Doc Marites Mata; idinto a pito a porsiento ti nagun-od da Vic Rodriguez ken Antonio Trillanes. Simmaruno da Teddy Casiño ken Ka Leody de Guzman a nakagun-od iti lima a porsiento; idinto nga uppat a porsiento ti nagun-od da Apollo Quiboloy, Teacher France Castro, ken Martin Romualdez.
Naisayangkat ti surbey manipud Mayo 26 agingga Hunio 2, 2026 babaen ti rupanrupa a panagsaludsod kadagiti 2,637 a botante nga agtawen iti 18 agpangato. Nausar ti regional stratification a sampling design iti entero a 18 a rehion. Addaan ti surbey iti ±2 percent margin of error ken 96 a porsiento a confidence level.
